Агняцвет, Э. Мой рыжы Бім : вершы / Эдзі Агняцвет ; [малявала Лілія Бусарава]. — Мінск : Мастацкая літаратура, 2022. — 77, [2] с.       
У кнгіу ўваходзяць лепшыя творы вядомай паэткі Эдзі Агняцвет (1913–2000), уладальніцы Ганаровага міжнароднага дыплома імя Х.К. Андэрсэна.
“Мой рыжы Бім” будзе вам найлепшым сябрам і ў сумныя хвіліны, і ў вясёлы час.

Быкава, С. А. Мастак-чарадзей : кніга вершаў / Святлана Быкава ; [мастак Віктар Данілаў] . — Мінск : Народная асвета, 2022. — 88 с. — (Дзецям пра Беларусь)      
У кнізе аўтар у паэтычнай форме расказвае, як прырода, бы жывая істота, засынае восенню, адпачывае ўзімку, абуджаецца вясной, а ўлетку — квітнее і радуецца жыццю. А дапамагае чытачу ўбачыць прыгажосць беларускай прыроды мастак Віктар Данілаў, акварэлямі якога шчодра ілюстравана выданне.

Бучынская, Н. С. Рыцар Квых і "жабіны вочкі" : сон + ява = казачная з'ява / Наталля Бучынская ; [мастак Р. Кульба] . — Мінск : Беларусь, 2020. — 118, [1] с.

Зоська ніяк не можа забыцца пра свае сонна-казачныя прыгоды. Яна стараецца выправіць крыўду, якую ўчыніла прынцу суседняга каралеўства. Дзяўчынка разам з Квыхам і Кваканцыяй выпраўляецца ва ўладанні Жудаса Першага. Трапіўшы ў палон, яна бліжэй знаёміцца за прынцам Казімірам і распрацоўвае са сваёй кампаніяй план яго выратавання.

Валхоўская, А. В. Чарнічны Мішка. Каляндар летуценнікаў / Анастасія Валхоўская ; мастак Яна Фефелава ; [пераклад з рускай мовы В. Рацэвіч]. — Мінск : Мастацкая літаратура, 2020. — 59, [4] с.
Гэту кнігу можна прачытаць на адным дыханні, а можна зазіраць у яе кожны месяц — і радавацца адкрыццям, якія чакаюць летуценнікаў. А яшчэ лепш даставаць яе хаця б на хвілінку штодня — і знаходзіць падказкі, як зрабіць дзень шчаслівейшым.

Гапееў, В. М. Зніч ваўкалака : прыгодніцкая аповесць / Валерый Гапееў. — Мінск : Мастацкая літаратура, 2020. — 220, [2] с. — (Бібліятэка прыгод і фантастыкі)

   Табе, адзінаццацікласніку гарадской школы, можна пакепліваць з вясковых цётак, з іх страхаў з-за чупакабры, якая завялася недзе ў балоце ды душыць курэй, гусей і нават малых казлянят. Можна пасміхацца з аповеда старой бабулі пра ваўкалака, які вартуе святы зніч. Да той пары, пакуль не здарыцца сапраўднае і страшнае і ты зразумееш: нехта ці нешта жыве тут, побач. Варожае і злое? Ці запужанае і няшчаснае? Чацвярым сябрам трэба яе толькі знайсці ахвяру невядомага звера, але і адкрыць старажытную таямніцу а потым вырашыць: што рабіць са знойдзеным скарбам?

Дамаронак-Кудраўцава, Т. І. Хто сароку напалохаў? : [казка] / Таццяна Дамаронак ; [мастак А. Балыш]. — Мінск : Беларусь, 2020. — 158, [1] с.

З даўніх часоў на Зямлі растуць трава, кусты і дрэвы. Калі паглядзець на нашу планету з космасу, яна падобная на пухнаты зялёна-блакітны шарык. Усе дрэўцы, кусцікі, кветачкі, што растуць на Зямлі, імкнуцца стаць самымі лепшымі і непаўторнымі.
Вось чаму на Зямлі такія прыгожыя паркі і лясы. Яны быццам прыйшлі да нас з казкі!
Для дашкольнага і малодшага школьнага ўзросту.

Жук, А. Лаві зайца! : апавяданні / Алесь Жук ; [мастак С. Стахоўская]. — Мінск : Звязда, 2021. — 77, [1] с.

Краснова-Гусачэнка, Т. І. Навагоднія прыгоды Марусі : п'еса-казка ў чатырох частках / Тамара Краснова-Гусачэнка ; [пераклад з рускай Ф. Палачаніна, М. Шабовіча ; мастак В. Калінін]. — Мінск : Звязда, 2023. — 96 с.
Новая п'еса беларускай пісьменніцы расказвае пра неверагодныя прыгоды адважнай дзяўчынкі Марусі. Пра сілы Святла і Цемры, пра непазбежную перамогу Дабра над Злом, якая магчымая, толькі калі ў цябе смелае, добрае і спагадлівае сэрца.

Латышкевіч, М. Ю. Муры, Том і дырыжаблік : казачная аповесць / Маргарыта Латышкевіч ; [мастак Д. А. Чарняўская]. — Мінcк : Звязда, 2022. —  94, [1] с.

Масла, А. С. Таямніца закінутай хаты : казкі / Алена Масла ; [мастак Д. Чарняўская] . — Мінск : Звязда, 2021. — 112 с.
Алена Масла – аўтарка казак – спрабуе разабрацца ў такіх вечных праблемах, якія нікога не пакінуць раўнадушнымі, – шчасце, сяброўства, дабро, вернасць. Самі назвы казак, займальны сюжэт, прытчавасць некаторых твораў зацікавяць, прымусяць задумацца не толькі юнака, але і дарослага чалавека.

Міус, Ж. В. Малёк Удалёк і Жах-Рыба : казка / Жанна Міус ; [мастак С. І. Стахоўская]. —  Мінск : Звязда, 2022. — 51, [4] с.

Пазнякоў, М. Сынок : апавяданні і казкі / Міхась Пазнякоў ; [мастак П. Дубаневіч] . — Мінск : Беларусь, 2021. — 142, [1] с.
Новую кнігу вядомага дзіцячага пісьменніка склалі апавяданні і казкі самай рознай тэматыкі. Творы маюць адметную пазнавальную і выхаваўчую скіраванасць.

Хадасевіч-Лісавая, К. С. Зорка нябесная, зорка зямная : казачная аповесць / Кацярына Хадасевіч-Лісавая ; [мастак А. Грубін]. — Мінск : Народная асвета, 2020. — 71, [1] с. —  (Краіна цудаў)
Нас заўсёды прываблівалі прыгожыя зорныя далячыні, хацелася спазнаць іх таямніцы. У выданні, якое вы трымаеце ў руках, адкрываюцца самыя запаветныя сакрэты бязмежнага космасу. Гэта больш чым навуковыя даследаванні, больш чым назіранне з дапамогай тэлескопаў. Гэта прыгожая рамантычная казка...
Кніга пазнаёміць чытачоў з самай абаяльнай зоркай, якая таемна пабывала на Зямлі.